降魔的2.0

剧评上篇

降魔的2.0来到结局篇 总体无失望 集集都催人热泪 每段故事睇完都有所感悟 编剧留左好多细节为准备第三部作铺垫吧 当劳斯莱斯两姐弟出现嘅时候 甚至见到片头啤啤与劳斯结婚嘅画面全网都系度闹 导致监制半夜不得不回复网友：放心继续看吧，不会令你失望的，有时看见的未必是事实。我选择相信监制 继续耐心观看

12集大小姐同徐荣短短嘅客串讲出一个道理 加埋插曲「凡人不懂爱」真系催泪 Ivy生前一直拼命工作 忽略身边所有嘅人和事 到死后都系围绕工作 甚至意识唔到自己已经不在人世 视Tony为竞争对手 但其实Tony暗恋自己渴望一起并肩作战 Tony以为一直留系身边就一定有机会 但到头来都系错过所有 Ivy可以放手 令啤啤都开始意识到自己已经离世 “人总贪心满足一切都不会够” 呢句歌词真系好啱 无论人生前死后都唔舍得放手 好多人都以为放手好简单 但其实真正做到嘅又边有甘容易 大家都要好好学习放下执念 欣赏身边嘅风景 珍惜眼前人和事

啤啤以为父母已经放低左自己 一直觉得父母紧张生意多过自己 但其实对于父母离讲 失去左啤啤系一种不能承受嘅打击痛苦 爸爸表面如常 自欺欺人 一直唔相信啤啤已经离世 而妈妈选择逃避、怨恨 一个自欺欺人 一个自虐虐人 父母各自有心结选择离婚 最后风狮爷出手 帮助啤啤完成父母嘅心愿同父母告别 令父母释怀放下执念 从未深思过婚礼对父母嘅意义-感谢和道别 啤啤系婚礼上对父母讲嘅说话真系好感人 以前太自私 只为自己设想 令父母失望 到今日先明白父母嘅意思 但一切已经太迟了 “总有一天我地会系目的地见面” 当主持人风狮爷问啤啤愿唔愿意嘅时候 啤啤一直望着小马嘅眼神不禁令人心痛

啤啤借芷若肉身与小马拍拖一日 完成心愿作告别 小马以为系Jeannie制造结界 其实系啤啤唔舍得小马 小马为左破解轮回结界 想降左Jeannie 啤啤出手阻止 小马终于知道眼前人唔系芷若系啤啤 Jeannie明白啤啤心意 用自身经历开解啤啤 无论小马最后讲嘅系真心话定系对啤啤愧疚只想完成啤啤心愿都好 啤啤都满足了 “做人太清醒太痛苦了” 最后小马送啤啤去目的地 只能话小马同啤啤有缘无分 好多人都闹芷若太好人 就好似风狮爷一样觉得芷若傻 我好中意风狮爷 每次出场除左搞笑之外仲好似老师一样教你道理 风狮爷一直帮助保护芷若 而芷若想帮啤啤完成心愿去到目的地 系因为觉得小马一直对啤啤内疚 想帮小马放低 还一个美好回忆比啤啤 至于小马同芷若嘅感情线 十年后嘅时间囊应该系为第三部作铺垫

豪仔与嘉嘉嘅故事非常打动到我 “有时候肉眼睇到嘅未必系最好 用心感受嘅时候先系最美好” 因为嘉嘉系盲人 所以对佢黎讲豪仔同普通人一样 都只系一把声音 甚至系一把温暖嘅声音 嘉嘉觉得豪仔系天使 同佢分享樱花嘅故事、冲樱花茶比豪仔、讲有人收地嘅事 豪仔为左保护嘉嘉唔比人骚扰 对付收地嘅人 嘉嘉恢复视力后却惊左豪仔 用祝福过嘅圣水伤害豪仔 后来豪仔要食人嘅时候 嘉嘉及时出现阻止 解释只系因为当时太惊 但相信豪仔本性唔坏仲有人性 可惜最后死系豪仔手上 后来豪仔再被饥饿嘅感觉折磨都唔再食人 因为“就算做唔到天使 都唔要做魔鬼” 好想配一首樱花树下比豪仔同嘉嘉 「明日花 昨日已开」

豪仔与晶晶的母子线真系虐到心肝脾肺肾 「我在逃避你 也在维护你」 晶晶终于可以见到豪仔 但系豪仔唔可以动感情 故意冷漠无情 甚至不断推开妈妈 其实都系为妈妈好 有苦自己知 豪仔要不断控制自己嘅情绪 无人明白自己真系好痛苦 豪仔每次对妈妈冷言冷语心里应该在滴血吧 豪仔知道妈妈意外受伤 即刻紧张问责小马 “我成个屋企都比晒你 点解你唔可以珍惜 生性d” 仲同小马再次大打出手 妈妈见到后出手打豪仔 最后豪仔跪低任由妈妈打 真系“打在儿身 痛在娘心” 妈妈讲嘅说话豪仔都好心痛 豪仔有翻过屋企都好想相认 但事实唔允许 后来莱斯应承帮豪仔(真系越睇越中意莱斯) 豪仔即刻上小马的士接妈妈出院 呢一声阿妈真系等左好耐 返屋企一家团聚了 晶晶等左三十年终于可以一家人齐齐整整食餐饭 豪仔仲带埋“女朋友”翻离哈哈哈 小马同比利好可爱

最后一周结局篇了小马系时候要生性啦 大boss海魔已经出现 阿花比小马嘅拼图 小马又会唔会亲手降左豪仔 不管结局如何 拭目以待 我已经准备好纸巾抹眼泪 期待降魔的3.0到来！

剧评下篇

相比第一季 2.0故事系成长 有更多深层道理值得思考 人性嘅探讨 既搞笑又感动 如果你用心留意每句对白都系伏笔 说水剧的观众真系有用心观看吗？ “只要心念够强 宇宙都会来成全你”

海魔果段好凄美 就好似故事人鱼公主 好多人话海魔铺垫甘耐甘强大 最后唔系大战就觉得失望水剧 但世界本来就唔系非黑即白 仲有灰色地带 海魔生存千年一直活在孤寂中 难得遇到知音人 魔都有感情的 阿花等左天宇700年唔系为决一战 对天宇嘅唔系仇恨 而系爱 小马都一样 身为降魔人其实非常孤独 怕身边嘅人有危险一直推开身边嘅人 失去至亲挚友 小马感同身受唔忍心消灭阿花 捻起往日嘅点滴 感动到阿花终于明白心的连结 吐心声放下天宇 愿意为小马牺牲 每个人都有最真实最阴暗嘅一面 自己先系最难打败嘅魔 “有时候讲真话真系难听过粗口” 呢段故事就如魔音一样- 明明很怕死 竟注满能耐 原来有着爱 我就会无惧将来

豪仔&晶晶&小马 桥上呢段道别实在太催泪 有种说不出的心痛 今次BGM未响起就哭得撕心裂肺 开头大家都以为自己前面睇漏左 差d想睇翻前面一集 再睇下就记得比利仔呢只大话魔嘅存在 以为小马吸收魔嘅灵力黑化 结果小马呃晒所有人 忍痛抹走晶晶嘅记忆 豪仔以前成日让小马 今次为左豪仔做一次英雄 用心良苦 两兄弟桥上相拥真情流露 晶晶两个仔 一个系降魔人 一个系罗刹 注定无得共存 口上说明白 当背对住一个仔要杀另一个仔嘅时候情绪崩溃 晶晶又一次经历失去豪仔 小马要再亲手降多次豪仔 如若心声相通 凭直觉都可感觉你… 不过最后并无交代清楚豪仔系咪真系灰飞烟灭 继续埋下伏笔吧 小马与晶晶生活如常平静 交家用 但其实生活已经改变 小马一直想做平凡人过平凡嘅生活 但却不得不背负降魔的使命 注定不平凡 “凡人系宇宙间嘅微尘 精灵都只不过系粒石仔 唔系所有野我哋都控制到”

至于小马对芷若是说不出的爱吧 小马嘅心结被诅咒永远唔会得到幸福 去唔到目的地 想爱但不敢爱 有时候太执着未必系好事

最后一集留下好多伏笔 小马晶晶屋企特写嘅神位 展明与Ling嘅魔胎 莱斯复活劳斯背后纹身 风狮爷依然暗中保护芷若 龙婆出现话系芷若嘅未来 啤啤嘅时间囊 比利画后嘅密码 小马终于g成为真正嘅降魔人 石敢当流眼泪 今次回头望唔知系边个出现呢？大结局就系另一个故事嘅开始 期待3.0早日到来 原班人马回归