维多利亚一号

评分：

6.0 还行

原名：維多利亞壹號又名：维多利亚的港湾 / Dream Home

分类：剧情 / 恐怖 / 犯罪 / 地区：中国香港年份：2010

简介：某银行话务员邓丽嫦（何超仪饰）自幼生长在一个平民家庭，她始终有一个情结，那就是

查看详情

更新时间:2016-02-06

维多利亚一号影评：【电影】16007[2.3]《维多利亚壹号》

我一直认为彭浩翔係一个华语影坛最出色的嘅现代电影导演，无论係文艺片，伦理片，还係言情小清新，一样可以轻松驾驭，轻松出经典。呢次，彭导意想唔到咁为我哋奉上咗一出记忆中可能係华语界最难忘嘅cult大片，领衔主演嘅係何鸿燊个女同E神。

电影主旨係想借一场血腥嘅“十一尸，十二命”灭门案抨击香港疯狂嘅楼市，暗中亦有些许映射大陆嘅成分，但即使係我咁忠实嘅fans睇嚟，本片cult发泄嘅目的仍远强烈于社会意义。而言归正传，本片嘅cult戏实在拍得非常刺激，情色同暴力，血腥与煽动，所有最违背中国式社会主义和谐社会嘅元素应有尽有，当之无愧被列为三级片，各种核突至极嘅死法轮番上演，奉劝女士们谨慎观影。

除咗cult，本片第二个亮点係剪辑，无论係贯穿全片嘅时光穿插，定时不时交替叙述被害者与杀手活动嘅希区柯克式平行蒙太奇，都衔接得张弛有度，令电影紧张刺激嘅气氛更上一层楼。

最后讲返电影嘅主题，虽然我认为故事完全被画面抢去咗风头，但不可否认呢次我睇倒嘅何超仪係最成功嘅一次。要一个生于豪门，从未尝生存压力嘅千金去演好一个蚁民，实属不易。更何况，我可以清晰咁从佢嘅角色睇倒果个跟唔上城市发展步伐而被抛弃嘅女人嘅悲惨人生，係一无所有嘅时候终于操起屠刀大开杀戒。

本片对房地产嘅鞭挞更甚于《窃听风云3》，平民嘅叙事角度亦更加可感，加上特立独行咁作为一部cult大片立足于华语影坛，无疑会成为今后教科书式嘅样板。

非常紧张刺激血腥嘅一部戏，出于儿童不宜嘅原因，不作推荐，考虑收藏。