寻找心中的你

评分：

6.0 还行

原名：王家欣又名：Wong Ka Yan / Find My Mind of You

分类：剧情 / 爱情 / 地区：中国香港年份：2015

简介：在上世纪90年代，电话和电脑完全未普及的时候，一个男生（黄又南饰）通过电台寻找

查看详情

更新时间:2017-04-22

寻找心中的你影评：【电影】17025[4.16]《王家欣》

由细睇住港产片大，听住广东话成长，就算大个咗，身边嘅语言环境发生咗再大嘅改变，心底还係更靠近对香港文化嘅认同感，就算对于香港人，我只係个纯正嘅大陆lei，但还係丝毫唔会减淡广东话港产片带俾我嘅亲切。

其实斋讲故事，我原本係冇可能会留意倒呢部戏，但“王家欣”呢个咁有粤港特色，又烂大街嘅名字却用最唔起眼嘅方式引起咗我嘅注意。

一个痴情嘅少年因为一面之缘嘅好感，凭记忆中王家欣呢个名打遍香港所有电话寻找梦想中个少女；一个养尊处优嘅少女因为唔相信痴情，想亲眼见证少年嘅失败，踏上咗同少年同行嘅路。因为一个记忆中嘅名字，两个几乎冇可能认识嘅人遇上彼此，最后逐渐发现一直执着坚持同等待嘅人其实早就嚟到咗身边。论故事设置，确实毫无新意，但佢却竟然源于一件真人真事，不禁令人感叹香港真係一个充满梦想嘅地方。

黄又南同吴千语，一个认识咗十几年却始终半红不淡嘅明星，一个女神得嚟又带点不良嘅港女，共同将呢个本身简单烂俗嘅故事演绎得清新甜美，毫无疑问係时下浓妆艳抹嘅青春片中嘅一股清流。“要搵，一定会搵得到！”咁幼稚嘅话语却令我难以批驳，唸深一层，有啲时候，做人不妨幼稚一下，其实都唔係坏事，人所以越活越攰，或者就因为被条框戒律束缚得太多啫。

回想返，我嘅初恋名字中都有个“欣”字，虽然已经相隔万里，但偶尔回想起，还係会怀念那时暑假煲成个晏昼电话粥嘅幼稚，即使陪妳走入殿堂嘅人唔係我，仍要感谢曾係我纯真嘅年代，遇上咗纯真嘅妳。

精彩，推荐，考虑收藏。