一念无明

评分：

6.0 还行

原名：一念無明又名：Mad World

分类：剧情 / 家庭 / 地区：中国香港年份：2016

简介：患有躁郁症的阿东（余文乐饰）因为当年误杀饱受痛症折磨的妈妈（金燕玲饰）被判入

查看详情

更新时间:2017-04-09

一念无明影评：我都想做撲街仔，但係我做唔出

好耐無系電影院睇呢種講小人物嘅香港片。上一次，好似系《幸運是你》。但係今次，主題更灰暗，更絕望。

我唔知道躁鬱症具體系點，但係我見到阿樂好用力咁，表現躁鬱症嘅兩面：狂躁+抑鬱。其實佢系出戲入面，多數時間系漠然嘅；其次系暴躁嘅；最後系壓抑嘅。而佢身邊遇到嘅所有人，除咗老積但純真嘅余生，其餘嘅所有人，無論系專業人士定系普通人，只要知道佢曾經有病，都無人當佢系正常人。而余生，唔知道佢系因為年少無知，定系因為細路嘅單純，從來都無驚過呢個同佢一齊種花，尊重佢夢想嘅大哥哥。

遇到余生，應該系阿東最大嘅幸運，特別系余生唔顧余師奶反對，隔住果塊薄薄嘅夾板，講《小王子》嘅廣告版本畀佢聽嘅時候，我都同阿東一樣，喊到停唔到。其實余生先系真正用心去睇嘢嘅人，所以佢，睇到嘅嘢最真。

對於希望亡羊補牢嘅大海，有一種總係timing唔啱嘅感覺：後生時候唔識做人老公，唔識做人老豆，一走了之；結果老婆有病，精神失常，仲意外系自己嘅大仔手裡面死咗；而大家口中好生性好叻嘅細仔，亦都離開咗呢個屋企，系國外唔在翻嚟；當佢終於認識到自己嘅失敗，想要彌補翻個大仔嘅時候，身邊嘅人又勸佢：唔好理佢啦，送佢翻青山啦。似乎所有嘢，都係衰系timing上。但係估計阿東嘅“我都想做一個撲街仔，但係我真係做唔出”都系遺傳佢，所以到咗最後，佢都係寧願被逼遷，都唔想再放棄自己個仔。

做撲街仔真係好容易，但係無理由因為容易，就個個都做撲街仔吧。做好人系難，甚至有時做一個唔好唔壞嘅正常人，就已經唔容易，但系有啲嘢，唔系話難就唔去做噶。如果個個都咁，呢個世界咪全部都係撲街仔？真係到咗果個時候，呢個世界仲有咩值得留戀？