利申: 不是影評, 只係睇過記錄低.
歡迎採用在其他媒體, 如真嘅俾面用了, 無言感激.
自責, 昨晚 (6月18日) 賴導給每位觀衆發了一支富貴竹, 有特別要求, 我沒能做到, 對不起, N+N仝人.
上星期, 在百老匯電影中心見到有這齣上, 快快買票, 無印象她在12年亞洲電影節上過, 老人癡呆, 我啊.
尋晚仲爭的唔記得, 一收工就行咗去太子站, 好彩及時醒起, 我連菜都買埋, "今晚煮飯!", 錯嗮, 結果背著一袋菜睇了成晚戲, 菜變了早餐. 從太子30度高溫行落去油麻地, 順道買看電影雜誌.
入去見到一班人圍住, 估到係賴導演, 她可是藝術電影界巨星幫幫主, 好多粉絲在合照簽名, 唔敢打搞, 我乜身絲羅白皮.
流水記帳交代下, 坐低無耐, 見兩靚女抱住兩大扎富貴竹入嚟, 經已大慨估到, 即捻萬全之策.
開波了, 個細路女簡大小姐無大好多, 打個突, 似乎唔係最近拍, 今日先知, 兩年前經拍好, 我時運高, 嗰時錯過, 再度重遇你, 可喜也...不可悲.....
延續前作, 一開始就多咗位重量級人馬加盟, 算驚囍, 係許鞍華導演個千言萬語初試啼聲 (查實我唔知真係他係電影嘅處女作-算我睇到第一部)嘅 莫昭如先生, 但他風格強烈, 擔心佢搶戲......睇落去都有少少, 不過齣戲偏實, 有個真實立體人物不算壞事.
片長咗, 要加多點戲劇場面, 照導演被質時解畫, 加90後人物做對比, 多了三個少年老千, 生叉燒都好過個D咁樣, 演員甚似, 其中一個原來係幕後阿四, 有份分富貴竹...三老千向楊秀卓老師埋手, (楊大爺正職真係老師) 得到一扎神沙後再遇到竟大報復, 還學十四巴港女擺上網, 擺老師上桌, 幾切合時勢, 大家搞離婚都係圍脖上炒大鍋. fans影後質疑此三人可有可無, 導演監制都用做對比還拖, 算無輸人也無輸陣.
鏟樹那段已感唔係演出, 片尾字幕及導演都證實係真嘅, 個鏟樹人就本色演出. 佢句吃唔吃飯對白不幸地成為最點題之罪金句, 國際都會但對如鏟樹工咁低層人, 揾食係最實際, 現實對佢地太殘酷, 不可能置一家老少不顧跟吃飽嘅導演和中產嚟保護一D最重要嘅嘢. 鬼唔知樹木家園給人最緊要, 但你肯定佢唔做餓唔死, 係, 唔死得, 咁要多少少就好難, 定係攞援助?!. 呢D係個人, 問題同類人大把, 而人口乃至拉遠D, 高多三四層樓嚟睇, 全球! 係, 要拔高就拔最高, 人愈嚟越多, 佢地全都要吃要住, 真要保住D樹, 代價要乜嘢消失, 要乜爺用少D資源, 心照......問題并不只菜園村, 可能就係本片未能再上多層嘅原因.
虛實交錯手法在方育平導演嘅<<美國心>>後似失傳, 千言萬語里都唔似, 今次雖非真爺孫, 但由於在真菜園村, 真路人, 真村民中, 甚至有真紀律人士參"演", 在在帶觀眾在現實戲劇來回穿梭, (上邊有齣只電影節放過嘅似叫美好人生前段紀錄後段演出有點似,不過個齣兩部分開) 呢齣大膽地讓演員與行人村民真實互動, 仲從頭到尾, "把攝影機扛到街上" 這口號賴導不完美示范, 又如何, 工多藝熟, 讓我們一起期待.
導在映後談爆秘密 (算唔算-不難估到) 所有演員無收錢, 似朱凱迪先生就係菜村嘅擎天柱 (某地對柯帕文先生最屈機命名-用呢到先最啱), 他邊可能收片......
謝至德先生另一砥柱(查實我唔知道他干啥), 睇片係名滿香江嘅攝影師掛, 嗰份作品無話可說, 睇到嘅人段估反應一樣, 無話可說的好.....
監制兼編劇在映後談逼觀眾出聲手法值得資料館常駐影評人借鑒, 倒數十下, 好過DEA air 啊, 香江人大多叫沉默的一代, 總不敢發聲, 請講嘢拉, 尤其落嚟嗰幾日......
