哆啦A梦：伴我同行

评分：

6.0 还行

原名：STAND BY ME ドラえもん又名：与我同行的哆啦A梦 / 机器猫：伴我同行 / 小叮当：伴我同行 / Stand by Me Doraemon / Doraemon 3D: Stand by Me

分类：剧情 / 动画 / 地区：日本年份：2014

简介：生活在日本东京的野比大雄（大原惠美配音），是一个学习不上进、日常迷迷糊糊并且饱

查看详情

更新时间:2015-11-22

哆啦A梦：伴我同行影评：一個人同行

　　國慶細妹返嚟嗰時睇左下，不過當時因為晚黑要請客食飯，所以忙住整餸就冇完整咁睇完，後尾又都冇諗起再睇，直到今日。其實哆啦Ａ夢行我嘅童年並冇太多記憶，因為環境嘅問題，少個時多數都係睇國產動畫多，淨得放暑假嗰時去父母工作嘅城市才有機會行香港啲電視台睇到日本動畫。然之後就係到中學嗰時啦，不過嗰時都係偶然行電視睇到咁就睇下。但係咁並不影響佢成為我心目中經典嘅動畫，所以先會重新睇多次將佢睇完。

　　因為當時睇嘅日本動畫多數都係行香港啲電視台睇嘅，所以一直聽嘅都係粵語嘅配音。第一次睇呢出呢片嗰時都係選左粵語，所以今次再睇翻就想試下聽下日語嘅原聲係點嘅。開頭聽左一陣就覺得唔係幾習慣，覺得把聲同啲角色好似唔係幾襯，尤其係哆啦Ａ夢把聲，完全破壞左多啦Ａ夢行我心目中嘅形象。可能係自己聽慣左粵語嘅配音啦。聽左一陣實在頂唔順，唯有轉翻粵語啦。不過這出動畫片都咁耐啦，可能都唔知換左幾多個配音啦。其實一直都覺得無論睇電影或者電視都係聽原聲比較好啲，不過粵語算係個例外，可能係因為自己熟悉的嘅語言呱，不過其實有好多動畫嘅粵語配音都配得好盞鬼咖。
　　記得以前嗰時哆啦Ａ夢仲係叫叮噹，不過後嚟聽耐左都聽慣左依家呢個名，最重要嘅係個人同把聲冇變就得啦。不過呢出電影嘅大雄個樣俾我嘅感覺硬係覺得有啲唔係好似，唔知係唔係個下巴嘅問題，覺得好似冇以前咁有靈性，反而小夫、胖虎仲好啲先，可能係睇慣二維嘅人物形象呱。不過靜香就無論係以前定係依家都咁得人鍾意，就算係大個左都依然咁靚女，而且仲多份左賢淑。

　　其實唔係幾明點解呢出戲要用三維製作，印象中日本嘅動畫一直都係以二維動畫製作出名，所以呢部應該係第一部我睇過嘅日本三維動畫。當然並唔係話日本冇唔能力製作三維動畫，以日本嘅科技水平製作三維動畫應該係件好容易嘅事。可能係為左展示另一個唔同嘅世界俾大家睇呱，因為故事嘅本身就有好多高科技嘅嘢，而且今次仲去左未來世界先。
　　但係三維嘅日本動畫的確令人大開眼界，製作依然係咁精良，唔知以後日本動畫嘅走向會係點呢？不過我覺得二維動畫行日本應該始終都會係主流嘅，畢竟日本嘅動畫文化沉澱左咁耐，唔單係電影仲有動漫。不過睇慣左歐美嘅三維動畫，偶然睇下日本嘅都幾好，雖然三維動畫並沒有太多的國家色彩，唔似得動漫咁因為有唔同嘅畫風，所以都會唔同的風格。

　　講翻個故事，我都係比較鍾意前半部分多啲，尤其係攞出各種道具嗰時最令人懷念。不過電影始終要有個主題，大雄同靜香嘅結婚都算係完成唔少人嘅夙愿，但係始終都係冇睇到佢哋婚禮，唔知係米仲會有變數呢？故事嘅最後雖然有喜有悲，不過覺得都係似個悲劇多啲，因為冇左哆啦A夢嘅大雄只不過係一個非常普通嘅人，雖然靜香佢老窦話佢嘅善良可以為靜香帶嚟幸福，但係行生活中這種幸福太容易被沖淡啦。
　　至於對於劇中嘅一啲設定合唔合理對我嚟講都冇乜所謂，因為哆啦Ａ夢嘅存在本身就唔係合理嘅，佢帶俾你嘅更多係一種夢想，一種嚮往。可能對於一直有追住睇人嚟講並冇乜新意，但對於我嚟講可能懷念下都幾好嘅。