眾多評審投給誰喜歡誰, 無法爆冷, 我僅估錯了編劇獎, 分豬肉分到陳小姐上, 江小姐和林先生果然輸了配角獎, 江小姐連行紅地毯都沒人陪, 賽前采訪也沒人理她, 呢嗰世界跟紅頂白, 現實得很, 入圍算是俾面了.
錢生果然動作輸給師叔, 大哥設得精彩, 但那及錢嘉樂先生用車拍出高手對決而提升部戲到另一境界.
獎名叫動作設計, 不是武術, 點明咗係包括嗮所有動作, 賽車都係啦, 咁最配合到部戲的先叫最佳, 十二生肖主旨唔係打交, 打的精彩提升唔到個深度, 人比人比死人, 可惜評審們都仲係迷信大哥嘅功夫, 或迷戀, 或名氣, 無計, 好彩錢生做武制嘅另一部寒戰贏咗最佳電影, 間接肯定咗佢, 而佢本人係寒戰同消失的子彈演出, 有目共睹, 水準之作, 可前者不敵眾戲骨, 後者戲份少.
嗰日未講其他一班配角, 萬生是咪會重出江湖, 如果係, "又會有一番腥風血雨", 當年佢係旺角力敵兩大天王, 劉華學友, 不落下風, 還搶盡風頭, 立見高下, 看客天大福氣等到佢回來, 留耐D啊!
智叔不愧智叔, 吹口琴殺人於無形, 鑚石配角, 獎項於佢如浮雲.
暴龍哥邪氣中帶天真, 對阿嫂一往情深, 特別係同我一樣有品味, 音音姐曾經陪我渡過多少個孤獨寂寞嘅晚上, 令我如同帝國大廈上嘅金剛咁威猛......
金小姐多部力作, 最早地下情, 風華正茂, 心動, 風韻尤存, 最新-深藍(美好2013一段), 風采依然, 獎, 一時風光, 請不要太擺係心到. 范小姐新作連母親都做咗, 演技更上一層樓, 有咗華鼎獎咪得啰.
新導演俾周生幾啱, 難得係臺上多謝愛人杜致朗小姐之余, 連外父外母都多謝埋, 好女婿!! 新人俾65歲嘅徐生就真係俾部戲嘅啫, 我寧揀沈先生.
重有嘅果然就係千樺又流馬尿, 同佢係第D大SHOW一模一樣, 講埋D唔老黎嘅說話, 乜嘢"死啦死啦", 不旺我鐘意咗咁多年, 呢份 sa哩弄舂, 無得頂.
而家輝哥學咗林肯, 上臺大講笑話咁, 臨尾多謝老婆都非一般, 話今晚先特別多謝她咁, 嘩呀, 人地唔想入非非都唔得啦......
秋生哥上臺變咗一年一次哽要他來talk show咁, 難得德嫻上年俾佢贊到上天花板, 今年來陪佢癲.
之前漏咗講兩個家輝, 一個韋家輝, 銀河二哥, 顧嘉輝, 泰山北斗!!!
余文乐 大S极速狂飙
