终结者：创世纪

评分：

6.0 还行

原名：Terminator Genisys又名：终结者5 / 未来战士：创世智能(港) / 魔鬼终结者：创世契机(台) / 终结者：创世 / 终结者：造物主 / Terminator 5 / Terminator: Genesis

分类：动作 / 科幻 / 冒险 / 地区：美国年份：2015

简介：

查看详情

更新时间:2015-09-30

终结者：创世纪影评：【电影】15044[9.27]《未来战士：创世纪》

电影大陆译名叫《终结者》，但佢却係穿越电影史上最永远无法“终结”嘅系列，一条时间线上嘅“审判日”被抹掉，另一条时间线又会成为下一集嘅主题，搞到最后根本已经无法分清究竟边条线上嘅穿越者先係唯一，应咗阿诺施华辛力加果句恒古流传嘅名言，“I will be back.”

其实我一直都唔係好中意阿诺施华辛力加，皆因我唔中意肌肉佬，但佢却愈发成为呢个系列不可或缺嘅灵魂。电影海报就可见一斑，什么本•拉登杀手啊、龙女啊、斯巴达啊都通通沦为配角，只有州长嘅烂脸占据咗大半幅画面。T800呢个角色係一个外表係人，内里机器，具有自我意识同学习能力、却又难以理解人性特质嘅Robot Killer。佢一直都扮演住坚定、冷酷嘅形象，但当睇倒佢头上泛起银发，却竟然令我伤感，睇住佢艰难咁挤出嚟嘅笑容，又霎时间似人类一样可爱、亲切；佢有时令人恐惧，有时令人捧腹，有时又令人感动；佢虽然係一个死板嘅机器人，但从佢身上我哋却睇倒咗好多人类所冇嘅优点。

电影中嘅州长一再重复：“I'm old，not obsolete.”其中呼应住本片最大嘅主题——致敬。无论对州长几咁冇感情，都不得不承认佢从一个奥地利移民，到卖肉成名嘅健美先生，再到“未来战士”，到加州州长，最后又回归佢最辉煌嘅银幕，呢个轮回绝对係超级成功同励志嘅故事，足够一代人去回味一辈子了。

电影嘅最后，毫无意外地係废墟地下出现完好嘅Skynet，我却意外咁唔觉得反感，伴随灯光渐暗，心中默念一句，“州长，下集再见！”

精彩，推荐，不收藏。