全面回忆

评分：

6.0 还行

原名：Total Recall又名：拦截记忆码(台) / 新宇宙威龙(港)

分类：动作 / 科幻 / 惊悚 / 冒险 / 地区：美国年份：2012

简介：

查看详情

更新时间:2015-09-19

全面回忆影评：【电影】15041[9.17]《全面回忆》

我觉得呢个应该就係荷里活式嘅“穿越”片了吧，只不过中国人中意几千年几千年咁穿，人家就比较实在啲中意係现代同近未来之间意思下咁。讲源头嘅话，本身冇惗住睇部咁嘅戏，纯粹因为偶然机会罗到片源，就用嚟杀下时间，然后果不其然，什么未来嘅殖民地啊，机械警察啊等等都已经係今年科幻片被用烂咗嘅点子，满满係《极乐空间》、《超能查派》嘅影子，还在最后我搵倒咗我继续睇落去嘅支柱——凯特•贝金赛尔。

女人唔一定波波脆就係最好，有啲人，例如凯特•贝金赛尔。呢位牛津大学文学高材生都已经年逾四十，但越老越有韵味。如果讲《珍珠港》同《黑夜传说》中贝金赛尔还处係二字头嘅“妙龄”，自然而然会很上镜，近呢两年应该已经完全冇呢种优势啦，但每次见倒佢却越发感受到佢嘅性感同气质开始升华，一个眼神就足够电死一大片，毫无悬念灭掉正牌女主成为我最想佢赢嘅反派。

然后冇睇过旧版嘅我觉得故事情节还係有点意思嘅，如果导演唔係最后剧透，话俾全世界知男猪一直係度发紧梦嘅话，电影留俾观众嘅想象空间应该会比现在大非常多。其实我发现呢种故事有个好处，佢可以用梦境做理由，将所有穿帮镜头都解释为导演留俾观众嘅线索，美其名曰消失嘅纹身係有意为之，话唔埋其实真係化妆师唔小心画漏咗呢~

电影被诟病得最多嘅无疑係果部充满想象力嘅地心“天梯”，穿过1.27万公里嘅距离用时仅17分钟，仲短过我每日从西村坐地铁去猎德上班，可怜我只走咗短短5km，平均要超37倍音速，再坚固嘅物质都一秒压成浆了吧，仲要一日两次，一年三百六十日咁坐，想唔短命都难。还有布莱恩饰演嘅总统，几时见过一个超级大国元首会每次阴谋都亲力亲为，加上熟脸见多了令人生厌，已经先入为主减分了。

一句话讲晒，没有令人惊艳嘅地方，只有女神一如既往嘅迷人，中规中矩。

良好，保守推荐，为三乳人考虑收藏中。